ಹಳದಿ ಟ್ಯಾಕ್ಸಿ - HALADI TAXI - CHLOE KOUTSOUMBELI'S "YELLOW TAXI"

ಮೂಲ: YELLOW TAXI

ಕವಿ: CHLOE KOUTSOUMBELI, Greek ಕ್ಲೋಯಿ ಕೂತ್ಸುಮ್‌ಬೆಲಿ

Translated from the Greek into English by A. E. Stallings

ಕನ್ನಡಕ್ಕೆ: ಎಸ್ ಜಯಶ್ರೀನಿವಾಸ ರಾವ್

 

ಹಳದಿ ಟ್ಯಾಕ್ಸಿ

 

ಇಲ್ಲ, ಸರ್, ನೀವು ನನ್ನನ್ನು ಬೇರೆ ಯಾರ ಜತೆಗೋ ಕನ್ಫ಼್ಯೂಸ್ ಮಾಡ್ತಾ ಇದ್ದೀರಾ

ಆ ಹಳದಿ ಟ್ಯಾಕ್ಸಿಯಲ್ಲಿದ್ದದ್ದು 

ನಾನಲ್ಲ

ಅಲ್ಲದೇ, ನಾನೆಂದೂ ಹಿಂದಿನ ಸೀಟಿನಲ್ಲಿ ನಿಮ್ಮ ಜತೆ ಕೂತಿರಲಿಲ್ಲ

ಅಂದು ಹಿಮ ಬೀಳುತ್ತಿರಲಿಲ್ಲ, ನನಗೆ ಅದರ ಖಾತ್ರಿ ಇದೆ,

ಇಲ್ಲ, ಹಿಮಹಲ್ಲೆಗಳು ನನ್ನ ಕೂದಲಲ್ಲಿ ಉದುರಲಿಲ್ಲ

ಪ್ರತಿಯಾಗಿ ಹೇಳಬೇಕೆಂದರೆ, ನನಗೆ ಕೂದಲು ಇರಲಿಲ್ಲ 

ನೀವು ನನ್ನನ್ನು ಚುಂಬಿಸಲಿಲ್ಲ, ಇಲ್ಲದಿದ್ದರೆ ನನಗೆ 

ನೆನಪಿರುತ್ತಿತ್ತು

ಹಾಗೆ ನೀವೇನಾದರೂ ನನ್ನನ್ನು ಚುಂಬಿಸಿದ್ದರೆ, ನಾನು, 

ಹೇಗೂ ಅಲ್ಲಿರಲಿಲ್ಲ

ಆ ಡ್ರೈವರ್ ಕೂಡ ಒಂದು ಸಲ ಸಹ ತಲೆ ಹಿಂದೆ ತಿರುಗಿಸಲಿಲ್ಲ

ಮಾತಿಲ್ಲದೇನೇ ದಾಟಿದ ಅವನು ಸರೋವರವನ್ನು ಕೊನೇಯ ತನಕ

ಸುತ್ತಲ ಕರೀ ನೀರಿನಲ್ಲಿ

ಆಗಿಂದಾಗ ದೋಣಿಯ ಹುಟ್ಟು ಮುಳುಗುತ್ತಿತ್ತು.

 

*****