ಬಕೆಟಿನಲ್ಲಿ ಚಂದ್ರಮ
ಇಂಗ್ಲಿಷ್ ಮೂಲ: Moon in the Bucket
ಕವಿ: ಗೇಬ್ರಿಯಲ್ ಒಕಾರ Gabriel Okara, Nigeria
ಕನ್ನಡಕ್ಕೆ: ಎಸ್ ಜಯಶ್ರೀನಿವಾಸ ರಾವ್
ನೋಡಿರಿ!
ನೋಡಿರಲ್ಲಿ
ಆ ಬಕೆಟಿನಲ್ಲಿ
ತುಕ್ಕು ಹಿಡಿದ ಬಕೆಟಿನಲ್ಲಿ
ಕೊಳೆ ನೀರು ತುಂಬಿದ ಬಕೆಟಿನಲ್ಲಿ
ನೋಡಿರಿ!
ಒಂದು ಹೊಳೆಯುವ ತಟ್ಟೆ ತೇಲುತಿದೆ --
ಚಂದ್ರಮ, ನಲಿಯುತಿದೆ ರಾತ್ರಿಯ ಮಂದ ಗಾಳಿಯಲಿ
ನೋಡಿರಿ! ಗೋಡೆಯಾಚೆಯಿಂದ ಲಕ್ಷ ಲಕ್ಷ ದ್ವೇಷಗಳ
ಹೊತ್ತು ಬೊಬ್ಬೆ ಹೊಡೆಯುವವರೇ. ನೋಡಿರೀ ನಲಿಯುವ
ಚಂದ್ರಮನನು,
ಈ ಬಕೆಟ್-ಕಾಳಗದ ಕೊಳೆಯ ಮಬ್ಬಿನಲಿ ಕೂಡ
ಅಕಳಂಕವಾಗಿರುವ ಶಾಂತತೆ ಅದು.
*****
No comments:
Post a Comment