ಇಂಗ್ಲಿಷ್ ಮೂಲ: Force
ಕವಿ: ಡೆರಿಕ್ ವಾಲ್ಕಾಟ್ Derek Walcott, St. Lucia (The Caribbean)
ಕನ್ನಡಕ್ಕೆ: ಎಸ್ ಜಯಶ್ರೀನಿವಾಸ ರಾವ್
ಬಲ
ಬದುಕು ಹುಲ್ಲಿನ ಗರಿಗಳನ್ನು ನೆಲದೊಳಕ್ಕೆ ಬಡಿಯುತ್ತಲೇ ಇರುತ್ತೆ.
ಈ ಬಡಿತ ನಾ ಮೆಚ್ಚುತ್ತೇನೆ;
ಪ್ರೇಮ ಕಠಿಣ. ನಾ ಮೆಚ್ಚುತೇನೆ
ಹೆದ್ದೆರೆ ಮತ್ತು ಬಂಡೆಯ ನಡುವಣ ಭೀಕರ ಅಲಾಬಲಿ.
ಅವರೊಳಗೆ ಒಂದೊಪ್ಪಂದವಿದೆ.
ನಾಗಲೋಟದಲ್ಲಿರುವ ಸಿಂಹ ಮತ್ತು ಬೆರಗಿನಿಂತ ಹರಿಣಿಯ
ನಡುವಣ ಕರಾರನ್ನೂ ಗ್ರಹಿಸಿಕೊಳ್ಳಬಲ್ಲೆ,
ಅವಳ ಕಣ್ಗಳ ಭೀತಿಯಲ್ಲೆಲ್ಲೋ ಸಮ್ಮತವಿದೆ.
ಯಾವುದು ನನಗೆ ಎಂದೂ ಅರ್ಥವಾಗದೆಂದರೆ
ಇದನ್ನು ಬರೆಯುತ್ತಿರುವ ಈ ಪ್ರಾಣಿ
ತಾನೆ ಬದುಕಿನ ಕೇಂದ್ರವೆಂದು ಸಾಧಿಸುವುದು.
*****
No comments:
Post a Comment