ಮೂಲ: Some People Like Poetry
ಕವಿ: ವೀಸ್ವಾವ ಶಿಂಬೋರ್ಸ್ಕ Wisława Szymborska, Poland
ಇಂಗ್ಲಿಷ್ ಗೆ: Stanizław Barańczak and Clare Cavanagh
ಕನ್ನಡಕ್ಕೆ: ಎಸ್ ಜಯಶ್ರೀನಿವಾಸ ರಾವ್
ಕೆಲ ಮಂದಿ ಇಷ್ಟ ಪಡುತ್ತಾರೆ ಕಾವ್ಯ
ಕೆಲ ಮಂದಿ --
ಅಂದ್ರೆ ಎಲ್ಲ್ರೂ ಅಂತಲ್ಲ,
ಹೆಚ್ಚಿನವರೂಂತ ಕೂಡ ಅಲ್ಲ, ಕೆಲವರು ಮಾತ್ರ.
ಶಾಲೆಯನ್ನು ಲೆಕ್ಕಕ್ಕೆ ತೊಗೊಳ್ಳದೇ, ಅಲ್ಲಿ ಪಡಲೇ ಬೇಕು,
ಮತ್ತು ಸ್ವತ್ಃ ಕವಿಗಳನ್ನು,
ಕೊನೆಗೆ ಸಾವಿರದಲ್ಲಿ ಇಬ್ಬರು ಸಿಗಬಹುದು ಅಂತ ಅಂದಾಜು.
ಇಷ್ಟ --
ಅಂದ್ರೆ, ನೀವು ಚಿಕನ್ ನೂಡ್ಲ್ ಸೂಪ್ ಇಷ್ಟಪಡಬಹುದು,
ಅಥವಾ ಹೊಗಳಿಕೆಗಳನ್ನು, ಅಥವಾ ನೀಲಿ ಬಣ್ಣ,
ನಿಮ್ಮ ಹಳೇ ಮಫ಼್ಲರ್,
ನಿಮ್ಮದೇ ದಾರಿ,
ನಾಯಿಯನ್ನು ಮುದ್ದು ಮಾಡುವುದು.
ಕಾವ್ಯ --
ಆದರೆ ಕಾವ್ಯ ಅಂದ್ರೆ ಕೊನೆಗೆ ಏನದು?
ಒಂದಕ್ಕಿಂತ ಹೆಚ್ಚು ಅಸ್ಥಿರ ಉತ್ತರಗಳು
ಹೊರ ಬಿದ್ದಿವೆ ಆ ಪ್ರಶ್ಣೆ ಮೊದಲು ತಲೆ ಎತ್ತಿದಾಗಿನಿಂದ.
ಆದರೆ ನನಗೆ ಮಾತ್ರ ಗೊತ್ತಾಗುತ್ತಲೇ ಇಲ್ಲದಾಗಿದೆ,
ಹಿಡಿದುಕೊಂಡಿರುವೆ ನಾನು ಅದನ್ನೇ ಗಟ್ಟಿಯಾಗಿ
ಬಿಡುಗಡೆಯ ಕಟಾಂಜನದ ಹಾಗೆ.
*****
No comments:
Post a Comment