ಇ ಅಂದ್ರೆ ಇರುವೆ - E ANDRE IRUVE - GOPAL HONNALGERE'S "A FOR ANT"

ಮೂಲ: A for Ant

ಕವಿ: ಗೋಪಾಲ ಹೊನ್ನಲಗೆರೆ, ಕನ್ನಡ ಮೂಲದ ಇಂಗ್ಲಿಷ್ ಭಾಷಾ ಕವಿ

GOPAL HONNALGERE, Indian-English poet of Kannada origin

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ಇ ಅಂದ್ರೆ ಇರುವೆ 

 

ಒಂದು ಸೇಬಿನ ಹಣ್ಣನ್ನು ಊಹಿಸಿಕೊಳ್ಳಿ

ಆ ಸೇಬಿನ ಹಣ್ಣು

ಗುರುತ್ವಾಕರ್ಷಣೆಯ ಎಲ್ಲಾ ನಿಯಮಗಳನ್ನು

ಉಲ್ಲಂಘಿಸಿ

ಗಾಳಿಯಲ್ಲಿ ನೇತು ನಿಂತಿದೆ.

ಒಂದು ಇರುವೆಯನ್ನು ಊಹಿಸಿಕೊಳ್ಳಿ

ಆ ಸೇಬಿನ ಹಣ್ಣಿನ ಮೇಲೆ ಸಿಕ್ಕಿಬಿದ್ದು

ಮೇಲೆ ಕೆಳಗೆ ಓಡಾಡುತ್ತಾ

ಬಿಡುಗಡೆಯ ದಾರಿ ಹುಡುಕುತಿದೆ.

ಬಿಡುಗಡೆಯ ದಾರಿ ಇದೆ 

ಆ ಇರುವೆಗೆ ಬುದ್ಧಿಯಿರುವುದಾದರೆ

ಗುರುತ್ವಾಕರ್ಷಣೆಯನ್ನು ಒಪ್ಪಿ

ಅದು ಕೆಳ ಬೀಳಬೇಕು

ಇಲ್ಲಾ

ಸೇಬಿನ ಹಣ್ಣಿನಲ್ಲಿ ಮನೆ ಮಾಡಿ

ಸೇಬು-ಲೋಕದಲ್ಲಿ ವಾಸ ಮಾಡಬೇಕು

ಸೇಬು ಸಾಕು ತಿನ್ನಲಿಕ್ಕೆ

 

*****