ನೀನೆ ಬರೆದಿದ್ದೆ ಕವನ ಅದರ ಬಗ್ಗೆ ULRIKE ALMUT SANDIG'S "YOU WROTE YOURSELF THE POEM OF IT"

ಮೂಲ: YOU WROTE YOURSELF THE POEM OF IT 

ಕವಿ: ಉಲ್ರೀಕ ಆಲ್ಮತ ಜ಼ಂಡಿಷ್, ಜರ್ಮನಿ ULRIKE ALMUT SANDIG, GERMANY

Translated from the German into English by Karen Leeder

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ನೀನೆ ಬರೆದಿದ್ದೆ ಕವನ ಅದರ ಬಗ್ಗೆ

 

ನಿನ್ನ ಕೆಳಗೆ ಭೂಮಿ, ಯಾವಾಗಲೂ ತಿರುಗುತ್ತಿರುತ್ತೆ.  

ನಿನ್ನ ಮೇಲೆ ಮರಗಳ ನೆರಳ್‌ಚಿತ್ರ, ಸೂರ್ಯನ ಕಡಿದಾದ 

ಕಮಾನಿನ ಹಿನ್ನೆಲೆಯಲ್ಲಿ.  ಆಗಸ ಅಗಲವಾಗಿ ತೆರೆದು ಬಿದ್ದಿದೆ

ಕಾಲದಲ್ಲಿ ತಿರುಗುತ್ತಿರುವ ಚಂದ್ರ.  

ನಿನ್ನ ಹಿಂದೆ ಸದ್ದಿಲ್ಲದ ಹಿಮ ಕವಿದ ಕಲ್ಲಿನ ಮಲೆಗಳು.  

ನಿನ್ನ ಮುಂದೆ ಮೋಡಗಳ ಚೆಕ್ಕೆಗಳು.  

ಆಳ ಇಳಿವಿನಲ್ಲಿ ನಿನ್ನ ಮನೆಯಿದೆ, 

ನೀನೆ ಬರೆದಿದ್ದೆ ಕವನ ಅದರ ಬಗ್ಗೆ.  

ನಿನ್ನೊಳಗೆ ಸದಾ ಉತ್ತರದೆಡೆ ತೋರಿಸುವ ಕಂಪಿಸುವ ಸೂಜಿ, 

ಇದ್ದರೂ ಅದರಾಚೆ ಏನಿದೆಯೆಂಬ ಕಲ್ಪನೆ ನಿನಗಿಲ್ಲ.  

 

*****