ಹರಿವು - INGEBORG BACHMANN's 'STREAM'

ಮೂಲ: STREAM

ಕವಿ: ಇಂಗೆಬೋಗ್ ಬಾಖ್‌ಮಾನ್, ಆಸ್ಟ್ರಿಯಾ

INGEBORG BACHMANN (1926-1973), AUSTRIA

Translated from the German 

into English by MARK ANDERSON

ಕನ್ನಡ ಅನುವಾದ: ಎಸ್ ಜಯಶ್ರೀನಿವಾಸ ರಾವ್

 

ಹರಿವು

 

ಬದುಕಿನಲ್ಲಿ ಎಷ್ಟು ದೂರ 

ಹಾಗೂ ಸಾವಿಗೆ ಎಷ್ಟು ಹತ್ತಿರ 

ಬಂದಿದ್ದೇನೆಂದರೆ,

ನಾನು ಇನ್ನೆಂದೂ ವಾದಿಸಲಾರೆ.

ಭೂಮಿಯಿಂದ ಕಿತ್ತು ತೆಗೆಯುವೆ ನಾನು ನನ್ನ ಅಂಶವನ್ನು;

 

ಸ್ತಬ್ಧ ಸಾಗರದೊಳಗೆ, ಅದರ ಹೃದಯದೊಳಕ್ಕೆ

ನನ್ನ ಹಸಿರು ಬೆಣೆಯನ್ನು ಇರಿಯುವೆ,

ನಂತರ ದಡಕ್ಕೆ ಬಂದು ನಾ ಮೀಯುವೆ.

 

ತಗಡಿನ ಹಕ್ಕಿಗಳು ಏರುತ್ತವೆ ಮೇಲೆ, 

ಜತೆಗೆ ದಾಲ್ಚಿನ್ನಿಯ ಪರಿಮಳ!

ನನ್ನ ಕೊಲೆಗಾರ ಕಾಲನ ಜತೆ ಇದ್ದೇನೆ ನಾನು ಒಂಟಿಯಾಗಿ.

ಈ ಮಂಪರಿನಲ್ಲಿ, ಈ ನೀಲತೆಯಲ್ಲಿ ಹೊಸೆಯುವೆವು ನಾವು 

ನಮ್ಮ ರೇಷಿಮೆಗೂಡನ್ನು.

 

*****