ಸರಳ ಗಣಿತ - SARALA GANITA - YANNIS STIGGAS' "SIMPLE MATH"

ಮೂಲ: Simple Math

ಕವಿ: ಯಾನಿಸ್ ಸ್ಟಿಗಸ್ YANNIS STIGGAS, GREECE

Translated from the Greek by Katerina Angelhaki-Rooke

ಕನ್ನಡಕ್ಕೆ: ಎಸ್ ಜಯಶ್ರಿನಿವಾಸ ರಾವ್

ಸರಳ ಗಣಿತ 

ಮೌನದ ನಾಲ್ಕನೇ ಕಿಲೊಮೀಟರ್ ತಲುಪಿದಾಗ

ದೇವರಿಗಾಗಿ ಸೂರ್ಯನಿಗಾಗಿ ಕೂಡಿಸಿಟ್ಟ ಆಣಿಗಳನ್ನು ಕೆಳಚೆಲ್ಲಿದೆ.

ಆಗಿನಿಂದ, ನಾನು ಕಂಕುಳಲ್ಲಿ ಒಂದು ಮಹಾ ಸೊನ್ನೆಯನ್ನು ಹಿಡಿದುಕೊಂಡು ತಿರುಗುತ್ತಿರುವೆ.

ಹೇಳಬೇಕೆಂದರೆ, ಅದೊಂದು ಸಾಧಾರಣ ಸ್ಲೀಪಿಂಗ್-ಬ್ಯಾಗ್

 -- ನಿಮಗೆ ಗೊತ್ತಿದೆಯಲ್ಲ, ನೀವು ಒಳಗೆ ತೂರುವಿರಿ, 

ಎಂದರೆ ನೀವು ಕನಸಲು ತೊಡಗುವಿರಿ.

ಈಗ ಅದೊಂದು ದೊಡ್ಡ ಬೋರ್ಡಿಂಗ್ ಸ್ಕೂಲು

ಬೇಗನೆ ಮಾನಸಿಕವಾಗಿ ಹೊತ್ತಿಕೊಳ್ಳುವವರಿಗಾಗಿ.

ಸೊನ್ನೆಗೇ ಇಷ್ಟೆಲ್ಲ ನಡೆದಿದೆಯೆಂದ ಮೇಲೆ

ಒಂದಕ್ಕೆ ಏನೇನು ಜರಗಬಹುದೋ ಕಲ್ಪಿಸಿಕೊಳ್ಳಿ.

*****