ನಿಶ್ಚಲ ಕೊಳ NISHCHALA KOLA - MICHAEL KRÜGER'S "STILL POOL"

ಮೂಲ: STILL POOL

ಕವಿ: ಮೈಕಲ್ ಕ್ರೂಗರ್, ಜರ್ಮನಿ MICHAEL KRÜGER, GERMANY

Translated from the German by Joseph Given

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ನಿಶ್ಚಲ ಕೊಳ

 

ನಿಶ್ಚಲ ಕೊಳವೊಂದು

ಅಡವಿಯಲ್ಲಿ, 

ಆಗೊಮ್ಮೆ ಈಗೊಮ್ಮೆ

ಕೀಟಗಳಿಂದ ಸ್ಪರ್ಶಿಸಲ್ಪಡುತ್ತದೆ.

ಗಾಳಿಯ ನೆಗೆತದ 

ಕರೆಗೆ ಕಿವಿಗೊಡದ

ಎಲೆ ಬೀಜಗಳ ದಟ್ಟ ಪದರು.

ರಾತ್ರಿಯಲಿ, ದೊಡ್ಡ ಮೃಗಗಳು

ಇಲ್ಲಿ ನೀರು ಕುಡಿಯುತ್ತಾವೆ,

ಆದರೆ ರಾತ್ರಿಯಲಿ ಮಾತ್ರ;

‘ನಿಶ್ಚಲ ಕೊಳ’ ಕ್ಕೆ 

ಇನ್ನೊಂದು ಪದ ಹುಡುಕುವ

ಬಗ್ಗೆ ನಮಗೆ

ಮುಜುಗರವಾಗಬಾರದೆಂಬ

ಕಾರಣಕ್ಕಾಗಿ, ಅಷ್ಟೇ.  

 

*****