ಮಧ್ಯಾಹ್ನ MADHYAHNA - MIROSLAV HOLUB'S 'MIDDAY'

ಮೂಲ: MIDDAY

ಕವಿ: ಮಿರೊಸ್ಲಾವ್ ಹೊಲುಪ್, ಚೆಕ್ ರಿಪಬ್ಲಿಕ್

MIROSLAV HOLUB, CZECH REPUBLIC

Translated from the Czech into English by Ewald Osers

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ಮಧ್ಯಾಹ್ನ

 

ಹಗಲು ತೀರಕ್ಕೆ ಬಂದು ಲಂಗರು ಹಾಕಿದೆ.

 

ಮರಗಳು ಖುಷಿಯಿಂದ ಕಂಪಿಸುತ್ತಿವೆ

ಸಾವಿರದ ಚಿಟ್ಟೆಗಳು ಹಾಡುತ್ತಿವೆ

 

ಅಂತಹ ಒಂದು ದಿನ 

ನಾವು ಪ್ರೀತಿಸುವ ಮುಖದಂತೆ

ಆಕಾಶ ಇನಿದಾಗಿದೆ

 

ಬೆಟ್ಟದ ಇಳಿಜಾರುಗಳಿಂದ

ಮಕ್ಕಳ ಮೆಲುದನಿಗಳು ಉರುಳುತ್ತಿವೆ

 

ಬಿಸಿಲು, ಹಾಡು, ಶಾಂತಿ:

 

ಏನೋ ಗಂಡಾಂತರ ಕಾದಿದೆ.

 

*****