ತವರದ ತಟ್ಟೆ - HANS MAGNUS ENZENSBERGER's "THE TIN PLATE"

ಮೂಲ: THE TIN PLATE

ಕವಿ: ಹನ್ಸ ಮಾಗ್ನುಸ್ ಎನ್ಸೆನ್ಸಬsಗರ್, ಜರ್ಮನಿ

HANS MAGNUS ENZENSBERGER, GERMANY

Translated from the German by 

HANS MAGNUS ENZENSBERGER

ಕನ್ನಡ ಅನುವಾದ: ಎಸ್ ಜಯಶ್ರೀನಿವಾಸ ರಾವ್

 

ತವರದ ತಟ್ಟೆ

 

ದಾರಿದ್ರ್ಯದ ಬಗ್ಗೆ ಹೇಳುವುದೆಲ್ಲವ ಹೇಳಿಯಾಗಿದೆ:

ಅದು ಜಗ್ಗದು, ಜಿಗುಟಿನದು, ಪಟ್ಟುಬಿಡದು ಎಂದು, 

ಮತ್ತೆ ಯಾರಿಗೂ ಆಸಕ್ತಿ ಇಲ್ಲದಂತಹದ್ದು

ಬಡವರ ಹೊರತು.  ಅದು ಬೋರ್ ಹೊಡೆಸುತ್ತೆ.

ಅದಕ್ಕೆ ಚಿಂತೆ ಮಾಡಲು ಬೇಕಾದಷ್ಟಿದೆ 

ಬೋರ್ ಹೊಡೆಯುವುದರ ಬಗ್ಗೆ ದೂರಲು.

ಕೋಳೆ ಹೇಗೋ, ಹಾಗೆ ಅದೂ ಬಹಳ 

ಆಳದಲ್ಲಿ ಕಂಡುಬರುತ್ತೆ.  ಅದು ಅಂಟುರೋಗದಂತೆ, 

ಅದು ನಾರುತ್ತೆ, ಅದೊಂದು ಪೀಡೆ.

 

ಅದರ ಸರ್ವವ್ಯಾಪಿತ್ವ ಕಣ್ಸೆಳೆಯುವಂತಹದ್ದು.

ಅದು ಅನಂತತೆಯಿಂದ ಪಾಲು ಪಡಕೊಂಡಂತೆ ಅನಿಸುತ್ತೆ.

ಅದರ ಗುಣಲಕ್ಷಣಗಳು ದಿವ್ಯ.

ಸೇವಕರು, ಸಂತರು ಅದನ್ನು ಕೋರುತ್ತಾರೆ.

ಸನ್ಯಾಸಿ ಸನ್ಯಾಸಿನಿಯರ ಲಗ್ನ ನಿಶ್ಚಯವಾಗಿವೆ ಅದರ ಜತೆ.

ಉಳಿದ ನಮ್ಮಂತವರನ್ನ ನೋಡಿದರೆ, 

ನಮ್ಮೆಲ್ಲರ ಬದುಕುಗಳು ಓಡುತ್ತಿವೆ ತಪ್ಪಿಸಿಕೊಂಡು, 

ಮುಂದಿನ ಬೀದಿ ತಿರುವಿನಲ್ಲಿ 

ದಾರಿದ್ರ್ಯ ನಮ್ಮನ್ನ ಹಿಡಕೊಳ್ಳುತ್ತೆ.

 

ನಿರ್ಭಾವ, ಅಚಲ, ಭವ್ಯ,

ಹಿಡಕೊಂಡು ಕೈಯಲ್ಲಿ ತವರದ ತಟ್ಟೆ.

 

*****