ಈಜುಗಾರ್ತಿ - INDRĖ VALANTINAITE's 'SWIMMER'

ಮೂಲ: SWIMMER

ಕವಿ: ಇಂಡ್ರೆ ವ್ಯಾಲಂಟಿನಾಯ್ಟೆ, ಲಿಥುವೇನಿಯಾ

INDRĖ VALANTINAITĖ, LITHUANIA 

Translated from the Lithuanian 

into English by ADA VALAITIS

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ಈಜುಗಾರ್ತಿ

 

ಹೆಂಗಸೊಬ್ಬಳು ಎದ್ದಳು ಹಸಿರು ಹಾಸಿನಿಂದ

ನಡೆದಳವಳು ಸಮುದ್ರದ ಒಳಗೆ!

(ಅವಳ ಕಣಕಾಲುಗಳವರೆಗೂ

ಅವಳ ಮೊಣಕಾಲುಗಳವರೆಗೂ

ಅವಳ ಸೊಂಟದವರೆಗೂ

ಅವಳ ಎದೆಯವರೆಗೂ

ಅವಳ ಭುಜದವರೆಗೂ

ಅವಳ ಕುತ್ತಿಗೆಯವರೆಗೂ)

 

ಅಲೆಗಳ ಆವರಣದ ಅಡಿಯಲ್ಲಿ

ಸರಿಗೆಯ ಸೀರ್ಪನಿಯಲ್ಲಿ 

ಅವಳ ಪುಟ್ಟ ಮೂರ್ತಿ ಕರಗುವತನಕ.

 

ಗಾಳಿಯು ಮೆಲ್ಲನೆ ಪುಟಗಳನ್ನು ಮಗುಚುತ್ತಿತ್ತು

ತೀರದಲ್ಲಾಕೆ ಬಿಟ್ಟ ಪುಸ್ತಕವನ್ನು ಓದುತ್ತಾ.

ಮುಸ್ಸಂಜೆಯಾದಾಗ, ಅದು ಆ ಹರಿದ ಪುಸ್ತಕವನ್ನು

ಮರಳುದಿಣ್ಣೆಗಳ ಲೈಬ್ರರಿಗೆ ಕೊಟ್ಟಿತ್ತು,

ಪಾತ್ರಗಳ ಬಾಯಲ್ಲಿ ಹೊಯಿಗೆ ತುಂಬಿಸಿತು.

 

ಅನ್ಯಭಾಷೆಯಲ್ಲಿ ಬರೆದ ವಾಕ್ಯಗಳ 

ಉಸಿರುಕಟ್ಟಿದೆ, ಹಾಗೂ ಬದುಕಿವೆ. 

ಅನ್ಯಳವಳು, ಮುವ್ವತ್ತರ ಸನಿಹ

ಅನ್ಯರಿಗೆ ಅರಿವಿಲ್ಲದವಳು,

ಒಬ್ಬಂಟಿ ಪಯಣಿಗಳು.

*****