ಕೆಲವೊಮ್ಮೆ KELAVOMME - HUMBERTO AK'ABAL'S 'AT TIMES'

ಮೂಲ: AT TIMES

ಕವಿ: HUMBERTO AK’ABAL, GUATEMALA 

ಉಂಬೆರ್ತೋ ಅಖ್’ಅಬಾಲ್, ಗ್ವಾಟೆಮಾಲಾ

Translated from Spanish by Earl Shorris and by Sylvia Sasson Shorris

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

ಕೆಲವೊಮ್ಮೆ

ಕೆಲವೊಮ್ಮೆ ನಿದ್ರೆ ನನ್ನನ್ನು ತೊರೆದು ಹೋಗುತ್ತದೆ
ಎಲ್ಲಿ ನಾನು ಹಾಸಿಗೆಯಲ್ಲಿ ಹೊರಳುತ್ತಾ
ರಾತ್ರಿಯೆಲ್ಲ ಕಳೆಯುವೆನೋ ಎಂದು
ಚಂದ್ರಮ್ಮನ ಜತೆ ಹರಟಲು ಹೊರಗೆ ಹೋಗುವೆ. 

ಅವಳು ನನಗೆ ಹೇಳುವಳು ಚಿಟ್ಟೆಯಾಗಿ 
ಬದಲಾಗಬಲ್ಲ ಹೂವಿನ ಬಗ್ಗೆ
ಬೆಂಕಿಯಾಗಿ ಬದಲಾಗಬಲ್ಲ 
ಚಿಟ್ಟೆಯ ಬಗ್ಗೆ.

ಮತ್ತೆ ನಾನೇಳುತ್ತೇನೆ ನಿದ್ದೆಯಿಂದ
ಇವೆಲ್ಲವೂ ಕನಸಾಗಿದ್ದಂತೆ. 

*****

ನನ್ನ ಅಜ್ಜನಿಗೆ NANNA AJJANIGE - HUMBERTO AK'ABAL'S 'TO MY GRANDFATHER'

ಮೂಲ: To My Grandfather

ಕವಿ: HUMBERTO AK’ABAL, GUATEMALA 

ಉಂಬೆರ್ತೋ ಅಖ್’ಅಬಾಲ್, ಗ್ವಾಟೆಮಾಲಾ

Translated from Spanish by Earl Shorris and by Sylvia Sasson Shorris

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ನನ್ನ ಅಜ್ಜನಿಗೆ

 

ನನ್ನಜ್ಜನ ಹೆಜ್ಜೆಗಳು

ಇಟ್ಟಾಗಿವೆ;

ಅವನು ಎಷ್ಟೊಂದು ನಡೆದಿದ್ದಾನೆ.

 

ಈಗ ಭೂಮಿ ಚಲಿಸುತ್ತಿದೆ 

ಮೆಲ್ಲ ಮೆಲ್ಲನೆ

ಅವನ ಪಾದಗಳಡಿಯಲ್ಲಿ

ಅವನು ಸೂರ್ಯನ ಅಂಚಿಗೆ 

ಸಮೀಪಿಸುವಂತಾಗಲಿ ಅಂತ.

*****

THIS SHRINE HAS NO DOORS AT ALL - ENGLISH TRANSLATION OF SAVITHA NAGABHUSHANA'S ಈ ಗುಡಿಗೆ ಬಾಗಿಲೇ ಇಲ್ಲ EE GUDIGE BAAGILE: ILLA

Original Kannada: EE GUDIGE BAAGILE: ILLA 

ಈ ಗುಡಿಗೆ ಬಾಗಿಲೇ ಇಲ್ಲ...

POET: SAVITHA NAGABHUSHANA

English translation: S. Jayasrinivasa Rao

 

THIS SHRINE HAS NO DOORS AT ALL

 

No doors at all to this shrine

No one stops you at every step

God is not imprisoned here! 

Piety itself is the fire offering here ... 

Purity impurity, Shiva sees not!

 

They touch they smell ... 

they rub their faces

they pull ears ... they grab they embrace

they cry they wail they lighten up

 

Flowers and fruit and meat and mead

the whole array they offer they bow

the puny people ... 

Beasts and birds and bugs and germs

feast on food, sated elated  

All creatures are one

they deem

 

They beg they give

they nag they sing

they ache they suffer

they do they die

 

Shiva is most content here ...  

Believers’ buddy – their closest mate

 

*****

ಈ ಗುಡಿಗೆ ಬಾಗಿಲೇ ಇಲ್ಲ...

ಈ ಗುಡಿಗೆ ಬಾಗಿಲೇ ಇಲ್ಲ...

ಅಡಿಗಡಿಗೆ ತಡೆಯುವರಿಲ್ಲ

ದೇವರಿಲ್ಲಿ ಬಂಧಿಯೂ ಅಲ್ಲ! 

ಭಕುತಿಯೇ ಆರತಿ ಎಲ್ಲಾ...

ಮಡಿ ಮೈಲಿಗೆ ಶಿವನೂ ಒಲ್ಲ!

ಮುಟ್ಟುವರು ಮೂಸುವರು...

ಮೊಕ ಮುಸುಡಿಯ ತೀಡುವರು

ಕಿವಿ ಹಿಂಡುವರು... ಬಾಚಿ ತಬ್ಬಿ

ಅತ್ತು ಕರೆದು ಹಗುರಾಗುವರು...

ಹೂವು ಹಣ್ಣು- ಮಾಂಸ-ಮದ್ಯ

ಬಗೆ ಬಗೆ ಎಡೆ ಇಕ್ಕಿ ಬಾಗುವರು.

ಹುಲು ಮಾನವರು...

ಪಶು ಪಕ್ಷಿ ಕ್ರಿಮಿ ಕೀಟಗಳು

ಉಂಡು ಸಂತಸಗೊಳಲು

ಸಕಲ ಜೀವಗಳು ಒಂದೇ

ಎಂದು ತಿಳಿಯುವರು.

ಬೇಡುವರು...ನೀಡುವರು...

ಕಾಡುವರು...ಹಾಡುವರು...

ನೋಯುವರು...ಬೇಯುವರು..

ಗೇಯುವರು...ಸಾಯುವರು...

ಶಿವನಿಲ್ಲಿ ಸಂತೃಪ್ತ..... 

ಭಕುತರ ಮಿತ್ರ-ಪರಮಾಪ್ತ....

*****

ಕದನ ವಿರಾಮ KADANA VIRAAMA - ABDOURAHMAN A. WABERI'S 'TRUCE'

ಮೂಲ: TRUCE

ಕವಿ: ಅಬ್ದುರಹಮಾನ ಎ. ವಾಬೆರಿ, ಜಿಬೂಟಿ ABDOURAHMAN A. WABERI, DJIBOUTI

Translated from the French by NANCY NAOMI CARLSON

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ಕದನ ವಿರಾಮ

 

ನನ್ನ ದನಿಯ ಊರೆಲ್ಲಾ ಚೆಲ್ಲುವೆ

ಅಲ್ಲಿ ನೀರು ಸಮಯದ ಆಕೃತಿಯ ಬಿಡಿಸುತ್ತೆ

ರಾತ್ರಿಯಲಿ ಉದಿಸಿದ ಸುವಾಸನೆಗಳೊಂದಿಗೆ

ನನ್ನ ದೇಹವ ಬೆರೆಸುವೆ

ನನ್ನ ದುಗುಡಗಳನ್ನು ಅಲ್ಲಿ ಮುಳುಗಿಸುವೆ 

ನಿನ್ನ ಕಣ್ಗಳಲಿ ಹುಡುಕುವೆ ನಮ್ಮ ಗತಕಾಲದ ಜಗಳಗಳನು

ಸೋತ ಕುಲಗಳು ಕಲಹಗಳ ಚಿತ್ರವನ್ನು ನೇಯ್ಯುತ್ತವೆ

ನನ್ನ ಕೋಮಲ ಸ್ಮೃತಿಯನ್ನು ಹಿಂದಿರುಗಿಸೆಂದು

ತಿರುಳ್ಭರಿತ ಗಿಡಗಳ ನಾ ಕೇಳುವೆ

 

ಖಾತ್ರಿಯಿಲ್ಲ ನಿನಗೆ, ಆಲಿಸುವೆ 

ನನ್ನ ಬಿರುಕುಗಳ ಗಿರ್ರಾಟವ

ನಾಳಿನ ವರೆಗೆ ಮುಂದೂಡು

ರಾತ್ರಿಯ ಬರುವಿಕೆಯ

*****

ಆಕಾಶ ನಕ್ಷೆ AAKASHA NAKSHE - ABDOURAHMAN A. WABERI'S 'A SKY CHART'

ಮೂಲ: A SKY CHART

ಕವಿ: ಅಬ್ದುರಹಮಾನ ಎ. ವಾಬೆರಿ, ಜಿಬೂಟಿ ABDOURAHMAN A. WABERI, DJIBOUTI

Translated from the French by NANCY NAOMI CARLSON

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ಆಕಾಶ ನಕ್ಷೆ

ನಾನು ಕಪ್ಪಿನಲ್ಲಿ ಚಮಚ ಕಲಕಿಸಿ

ನಿರ್ಮೇಘ ನೀರಾಕಾಶವ ಕುಡಿಯುವೆ

ಹಿಗ್ಗಿದ ಸಮಯ ತನ್ನ ಗಾಯದ ಕಲೆಗಳನ್ನ ತೋರಿಸುತ್ತೆ

ನೀರು ಮತ್ತು ಹೂವುಗಳ ಅಲಂಕರಣಟ್ಟಿಯದು

 

ಕೈಬೀಸಿನ ಕ್ಷಿಪ್ರತೆಯಲ್ಲಿ ದಿನ ಉದಯಿಸುತ್ತೆ

ದೇವರ ಕೈಯೋ ಆಕಾಶದಿಂದ ಸುರಿದ ಅಮೃತವೋ?

*****

ದಿಕ್ಕಿಲ್ಲದ ಕವಿ ತನ್ನ ಪ್ರೇಯಸಿಗೆ ಬರೆಯುತ್ತಾನೆ PETER SEMOLIČ'S 'HOMELESS POET WRITING TO HIS LOVE'

ಮೂಲ: HOMELESS POET WRITING TO HIS LOVE

ಕವಿ: ಪೀಟರ್ ಸೆಮೊಲಿಕ್, ಸ್ಲೊವೀನಿಯಾ PETER SEMOLIC, SLOVENIA

Translated from the Slovene by Ana Jelnikar

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

ದಿಕ್ಕಿಲ್ಲದ ಕವಿ ತನ್ನ ಪ್ರೇಯಸಿಗೆ ಬರೆಯುತ್ತಾನೆ

 

ಪದಗಳ ಮನೆಯೊಂದ ಕಟ್ಟುವೆ ನಮಗಾಗಿ ನಾನು.

ನಾಮಪದಗಳೇ ಇಟ್ಟಿಗೆಗಳು
ಕ್ರಿಯಾಪದಗಳೇ ಬಾಗಿಲುಗಳು

ವಿಶೇಷಣಗಳಿಂದ ಅಲಂಕರಿಸುವೆವು ನಾವು
ಜನ್ನಲ ಕಟ್ಟೆಗಳನ್ನ 
ಹೂಕುಂಡಗಳಿಟ್ಟಂತೆ.

ನಿರ್ಮಲ ನಿಶ್ಶಬ್ಧತೆಯಲ್ಲಿ ಮಲಗುವೆವು ನಾವು 
ನಮ್ಮ ಪ್ರೇಮದ ಚಪ್ಪರದಡಿಯಲ್ಲಿ.
ನಿರ್ಮಲ ನಿಶ್ಶಬ್ಧತೆಯಲ್ಲಿ.

ನಮ್ಮ ಮನೆ ಬಹಳ ಸುಂದರವಾಗಿರುತ್ತೆ
ಬಹು ನಾಜೂಕಾಗಿರುತ್ತೆ, ಅದಕ್ಕೆ
ಅಪಾಯನ್ನುಂಟು ಮಾಡೆವು ನಾವು ಪದದುಬ್ಬರದಿಂದ. 

ನಾವು ಮಾತಾಡುವುದಾದರೆ, 
ಹೆಸರಿಡುವೆವು ನಮ್ಮ ಕಣ್ಣಿಗಷ್ಟೇ
ಕಾಣುವ ವಸ್ತುಗಳಿಗೆ. 

ಯಾಕೆಂದರೆ ಒಂದೊಂದು ಕ್ರಿಯಾಪದವೂ 
ಅಡಿಪಾಯವನ್ನ ಅಲ್ಲಾಡಿಸಿ
ನೆಲಸಮ ಮಾಡಬಹುದು.

ಎಂದೇ, ಸದ್ದುಬೇಡ, ನನ್ನ ಒಲವೇ, 
ಸದ್ದು ಬೇಡ, ನಮ್ಮ ಮನೆಯ 

ಸುಂದರ ನಾಳೆಗಾಗಿ.

***** 

ಅಪ್ಪಾ APPA - PETER SEMOLIČ'S 'FATHER'

ಮೂಲ: FATHER

ಕವಿ: ಪೀಟರ್ ಸೆಮೊಲಿಕ್, ಸ್ಲೊವೀನಿಯಾ PETER SEMOLIC, SLOVENIA

Translated from the Slovene by Ana Jelnikar

ಕನ್ನಡ ಅನುವಾದ: ಎಸ್. ಜಯಶ್ರೀನಿವಾಸ ರಾವ್

 

‘ಅಪ್ಪಾ’

ನಿನ್ನೆ ರಾತ್ರಿ

ನಿನ್ನ ಬಗ್ಗೆ ಕನಸ ಕಂಡೆ, ಅಪ್ಪಾ,

  
ನೀನು

ನನ್ನ ಕನಸಿನಲಿ ಬಂದೆ

ಜಿಂಕೆಯ ಹಾಗೆ,

ನಿಂತೆ ನೀನಲ್ಲಿ

ಹಸಿರುಹುಲ್ಲಿನ ದಿಬ್ಬದ ಪಕ್ಕದಲ್ಲಿ. 

ನಿನ್ನ ಕರೆದೆ ನಾನು

 
ನಿನ್ನ ಹೆಸರು ಹಿಡಿದು,

‘ಅಪ್ಪಾ’.

ನಿನ್ನ ಕರೆದೆ ನಾನು

ಆ ಪದವ ಉಚ್ಛರಿಸಿ: ಅಪ್ಪಾ.

ನಾ ಹೇಳಿದೆ:

ಇಲ್ಲಿ ನೋಡು

,
ನನ್ನ ಕಣ್ಣುಗಳು

ಬೆಟ್ಟದ ತೊರೆಯ

 
ಬದಿಯಲ್ಲಿರುವ

 
ಎರಡು ತೊಯ್ದ ಹೂವುಗಳು.

ಬಾ,

ನಿನ್ನ ಬೆಚ್ಚಗಿನ

ಜಿಂಕೆ ನಾಲಿಗೆ

ನನ್ನ ಕಣ್ಣುಗಳ ಮೆಲೆ

ಬಿದ್ದ ಇಬ್ಬನಿಯ

ಇಂಗಿಸಲಿ. 

ನೀನಲ್ಲೇ ನಿಂತೆ

ಬೇರೊಂದು ಲೋಕದಲ್ಲಿ

ನಿಂತಂತೆ,

ಬೇರೊಂದು ಕನಸಿನಲ್ಲಿ

ಇದ್ದಂತೆ,

ಹುಲ್ಲು ಕವಿದ 

ದಿಬ್ಬದ ಮೇಲೆ.

ನಿನ್ನ ಮಹಾ

ಕವಲ್ಗೊಂಬುಗಳನ್ನು

ಅಲುಗಾಡಿಸಿ,

ಮಾಯವಾದೆ ನೀನು

ಯಾರದ್ದೂ ಕನಸಲ್ಲದ 

ಬಿಳಿ ಮೋಡದೊಳಗೆ.

*****